Cartref Cerdd
Cymorth > Sut i GofrestruSut mae gweld Cynnwys Cartref Cerdd?
Ar y dudalen hon, ceir cymorth am sut i gael mynediad at gynnwys Cartref Cerdd, gydag eglurhad manwl gam-wrth-gam am sut i ddefnyddio’ch manylion personol i gael mynediad i’r wefan.
Cam 1: Hidlo drwy’r holl adnoddau
Dewiswch pa raglen o adnoddau y carech ei dilyn. Gwelir yr holl adnoddau ar y dudalen Adnoddau, a gellir eu hidlo fesul Offeryn, neu’r Cyfnod Allweddol perthnasol.
Cam 2: Dewis adnodd penodol
Ar ôl hidlo i lawr at y pecyn adnoddau addas i chi, dewiswch ba wythnos i edrych arni. Dewiswch yr adnodd y carech fynediad ato trwy glicio ar ei Deitl, neu Lun Pennawd.
Cam 3: Canfod manylion eich cyfrif
Er y cewch bori trwy’r holl adnoddau, bydd angen i chi fewngofnodi gyda manylion eich cyfrif er mwyn gwylio unrhyw fideo. Os nad ydych wedi derbyn enw defnyddiwr a/neu gyfrinair eisoes, cysylltwch trwy’r dudalen Cyswllt.
Cam 4: Mewngofnodi i weld fideo
Os nad ydych wedi mewngofnodi eisoes gyda’ch cyfrif, bydd neges i’w gweld ar bob fideo ar y safle. Cliciwch ar ‘Mewngofnodi’ i weld ffenestr mewngofnodi. Yma gallwch fewngofnodi gyda’r enw defnyddiwr a’r cyfrinair a dderbynioch. Hefyd, cynghorir chi i ddewis ‘Cadw’r mewngofnodi’ fel bo mynediad i adnoddau’r wefan yn gyflymach yn y dyfodol.
Cam 5: Defnyddio’r peiriant fideo
Cynlluniwyd y peiriant fideo i weithio ar y rhan fwyaf o ddyfeisiadau poblogaidd a phorwyr y we; bydd yn galluogi llif cyson y chwarae hyd yn oed lle bo cysylltiad rhyngrwyd yn wan. Ceir nifer o declynnau gosod at eich defnydd yn y peiriant fideo er mwyn hwyluso mynediad i’r adnoddau. Gallwch wneud i’r fideo fod o faint y sgrîn trwy glicio ar y botwm ⤢. Gallwch hefyd ddefnyddio penawdau os bydd eu hangen, trwy glicio ar y botwm [CC].
Mewn partneriaeth â’r sefydliadau canlynol
